देश बिदेशमा छरिएर रहेका नेपाली युवाहरुहरुको ख्याति प्राप्त फेसबुक ग्रुप MEN’S ROOM (RELOADED) अर्थात (MRR) ले यहीँ जेष्ठ १४ गते शनिबारको दिन साँझ ६ बजे सिमराको मुख्य चोकमा धन्यवाद र्याली आयोजना गर्ने भएको छ।
हालै सम्पन्न स्थानीय तहको निर्वाचनमा युवाहरुको उल्लेखनिय सहभागिता भएको र मुलुकको राजधानी काठमाडौंमा बालेन्द्र शाह (बालेन) र पुर्वको सफा नगरी धरानमा हर्क साम्पाङ राईलाई त्यहाँका स्थानीय जनताले भोट दिएर जिताएकोमा देशका विभिन्न सहरहरु मा MRR द्वारा धन्यवाद र्याली आयोजना गर्ने भनिएको छ ।
युवा मेयरद्धय बालेन शाह र हर्क साम्पाङ राईलाई प्रत्यक्ष/अप्रत्यक्ष रुपमा सहयोग गर्ने व्यक्ति, संघ – संस्था, तथा सम्पुर्ण जनताहरुलाई धन्यवाद दिदै, उहाँहरुलाई सफल कार्यकालको शुभकामना दिन धन्यवाद र्यालीको आयोजना गर्न थालिएको MRR बारा संयोजक सम्यक चौलागाई ले जानकारी दिनु भयो ।
