सिमरा: पूर्वप्रधानमन्त्री एवम् नेकपा एमालेका अध्यक्ष केपी शर्मा ओली चढेको हेलिकप्टर सोमबार दिउँसो सिमरा विमानस्थलमा आकस्मिक अवतरण गरिएको छ ।
रौतहटको गौरमा आयोजित कार्यक्रममा सहभागी हुन काठमाडौंबाट आउने क्रममा मौसम खराब भएपछी सिम्रीक एयरको हेलिकप्टर सिमरा विमानस्थलमा आकस्मिक अवतरण गरिएको हो ।
मौसममा आएको खराबीको कारण गौर पुग्न सक्ने अवस्था नभए पछी हेलिकप्टरलाई सिमरा विमानस्थलमा सुरक्षित अवतरण गरिएको बताइएको छ ।
आकस्मिक अवतरण गरेपछी अध्यक्ष ओलि सिमरा विमानस्थलको विशिष्ट कक्षमा बस्नुभएको थियो। ओलीको आकस्मिक अवतरण भएपछी नेकपा एमाले केन्द्रीय पोलिट ब्युरो सदस्य एवम पूर्व मन्त्री पुरुशोत्तम पौडेल , उपमहानगर कमिटी अध्यक्ष एवम जीतपुरसिमरा उपमहानगरपालिका नगर उप्रप्रमुख भोलाप्रसाद अधिकारी, एमाले नेता मनोज पौडेल, त्रीलोक शाह ठकुरी , हिरा बस्नेत सहित एमालेका नेताकार्यकर्ता विमानस्थल पुगेका थिए ।
मौसमको प्रतीक्षामा रहेका ओली एक घण्टाको सिमरा बसाई पछी मौसम सुधार पस्चात गौर कार्यक्रमको लागि जानुभएको बिद्यार्थी नेता त्रिलोक शाहले बताउनु भयो ।
