सिमराः नेकपा एकिकृत समाजवादीका प्रभावशाली बारा जिल्ला कमिटी सचिबालय सदस्य पूर्णचन्द्र तिमिल्सिना पुनः एमाले फर्किएका छन् । काठमाण्डौको एभरेष्ट होटलमा आयोजित कार्यक्रमकाबीच बारा जीतपुरसिमरा ४, औराहाका तिमिल्सिना एमाले फर्किएका हुन् ।
समाजवादी छाडेर एमाले फर्किएका तिमिल्सिनासहितका कार्यकर्तालाई एमाले अध्यक्ष केपी शर्मा ओलीले स्वागत गरेका थिए । तिमिल्सिना एकिकृत समाजवादीको भिभिन्न जिम्मेवारी जिल्ला सचिवालय सदस्य, भुपुशैनिक केन्द्रीय कमिटी उपाध्यक्ष, नगरकमिटी उपाध्यक्ष र वडा कमिटीको अध्यक्ष समेतमा रहेका थिए ।
एमाले फुटेर माधव नेपालको नेतृत्वमा एकिकृत समाजवादी गठन भएपछि तिमिल्सिना समाजवादीतर्फ लागेका थिए । सिमरा खानेपानिको निर्वाचनमा गठबन्धनको तर्फबाट उनी एक्लै उपाध्यक्षमा निर्वाचित समेत भएका थिए साथै स्थानीय तह निर्वाचनमा उनले समाजवादीबाट वडाध्यक्ष पदमा उम्मेदवारी समेत दिएका थिए ।
पार्टी प्रवेश कार्यक्रममा बाराबाट एमाले पोलिटब्युरो सदस्य एवम् पूर्वमन्त्री पुरुषोत्तम पौडेल, पोलिटब्युरो सदस्य एवम् पूर्वमन्त्री ज्वाला साह, केन्द्रीय सदस्य एवम् बारा सहईन्चार्ज सरस्वती चौधरीलगायतको उपस्थिती रहेको थियो ।
