बारा, बाराको बरियारपुर नजिकै रहेको भुतहि पुल नजिक अज्ञात समूहले चलाएको गोली लागेर गम्भीर घाइते भएका भारत बिहार छौडादानोका नागरिकको मृत्यु भएको छ ।
घाइते शिवपुजन प्रसाद यादवको उपचारको क्रममा मृत्यु भएको बारास्थित एलएस न्युरो अस्पतालले जनाएको छ ।
गोली प्रहारबाट घाईते भई मृत्यु भएको व्यक्ति भारत बिहारको छौडादानोका अन्दाजी ५० बर्षको शिव पुजन राय रहेको जिल्ला प्रहरी कार्यालय बाराका प्रहरी नायब उपरिक्षक राजेश थापाले जानकारी दिनु भयो । उनी एक व्यापारी थिए र उनलाई दुई वटा भारतिय नम्बर प्लेट भएको मोटरसाइकलमा चढि आएको ५ जनाले गोलि हानेर भागेका प्रत्यक्षदर्शीहरुले बताएका छन । गोली प्रहार गर्ने व्याक्तिहरुलाई खोजी कार्य भई रहेको प्रहरी नायब उपरिक्षक थापाले बताउनु भयो ।
