सिमरा , बागलुङ जिल्लाका २३ वार्षिका प्रभात बस्याल र २२ वर्षीय प्रीती घिमिरे बिगत प्रेम सम्बन्धलाई लिएर हाल देशभर चर्चा चलिरहेको छ । अन्तरजातीय प्रेम सम्बन्धमा रहेका उनिहरुको प्रेम परिवारबाट स्वीकार नहुने भएपश्चात भारत तर्फ गई भागी विवाह गरेको तर प्रभात बस्याललाई बलात्कारको आरोप लगाई कार्बाही अगाडि बढाईरहेको विषयले यतिबेला सामाजिक संजाल तताईरहेको छ ।
प्रभात र प्रीतिको सम्बन्धले देश तताईरहेको बेला अन्तरजातीय प्रेम सम्बन्धले न्याय पाउन पर्छ भन्ने मुख्य उदेश्य राखी सोमबार सिमराका केही युवाहरुले मोटरसाइकल र्याली मार्फत प्रदर्सन गरेका छन् । सिमराका ३० भन्दा बढी युवाहरूको सहभागीता रहेको उक्त र्याली सिमरा , पथलैया, डुमरवाना, औराह हुँदै सम्पन्न भएको थियो ।
झुटा प्रलोभन देखाई बेनी प्रहरी हिरासतमा प्रभात बस्याललाई राखिएको भन्दै बस्याललाई न्यायका लागि दबाब गर्न मोटरसाइकल र्याली गरिएको सिमराका स्थानीय युवा सम्राट उपाध्यायले सिमरा खबरसङ्ग बताएका छन् ।
