सिमराः जीतपुरसिमरा उपमहानगरपालिका वडा नं. १४ को कार्यालयले आइतबार सुत्केरी महिला र सर्पदशंका बिरामीलाई १० हजार प्रदान गरेको छ ।
वडा नं. १४ कै वडा कार्यलयमा आयोजित सुत्केरी संरक्षण कार्यक्रम अन्तर्गत वडा कार्यालयले ६० जना सुत्केरी महिलालाई १० हजार दरलेपोषणयुक्त आहार र स्याहार खर्चका लागि नगद प्रदान गरिएको वडाध्यक्ष चयन गुरुङले बताईन् ।
यसैगरी वडा कार्यालयले सर्पदंशको उपचारपछि घर फर्किएका पाँच जना विरामीलाई जनही १० हजार प्रदान गरेको छ । एमाले पोलिटव्युरो सदस्य एवम् पूर्वमन्त्री ज्वालाकुमारी साहको उपस्थितिमा वडाध्यक्ष गुरुङले नगद प्रदान गरेका हुन् ।
वडा कार्यालयले सुत्केरी महिला र सर्पदंशका विरामीका लागि लक्षित गर्दै सहयोग रकम उपलब्ध गराउने घोषणा गरेको थियो । वडाबासीलाई गरिएको प्रतिवद्धता अनुरुप नगद प्रदान गरिएको वडाध्यक्ष गुरुङले जानकारी दिए ।
