२७श्रावण : जिल्लाको जितपुरसिमरा उपमहानगरपालिका वडा नं.१६ टाँगिया बस्तीका ६० बर्षिय दिल बहादुर घलानलाई आफ्नै बाबुको हत्या आरोपमा प्रहरीले पक्राउ गरेको छ ।
सुक्रबार दिउँसो टांगिया बस्तिका ९० बर्षिय माईत सिं घलानको हत्या भएको खबर पाएर घटना स्थलमा खटिएको प्रहरी टोलीले मृतकका छोरा दिल बहादुरलाई पक्राउ गरेको हो ।
ईलाका प्रहरी कार्यालय निजगढबाट प्रहरी निरिक्षक घनश्याम श्रेष्ठको कमाण्डमा टोली घटना स्थलमा पुगेको थियो ।
प्रारम्भिक अनुसन्धानमा घरायासी विवादको कारणले घटना घटेको भन्ने बुझिएकोले निजकै छोरा दिल बहादुर घलानलाई नियन्त्रणमा लिई अनुसन्धान कार्य अगाडि बढाईएको बारा प्रहरी प्रवक्ता डिएसपी दधिराम न्यौपानेले जानकारी दिए ।
