औराह। बारा जिल्लाको जितपुर सिमरा उपमहानगरपालिका ४ औराहमा रहेको नेपाल राष्ट्रिय माध्यमिक विद्यालय औराहमा विद्यालयको गतिविधि प्रती असन्तुष्टि जनाउँदै विद्यार्थी आन्दोलित बनेका छन् । गत वर्षमा सिटि.इ.भिटी. बाट सिभिल इन्जिनियरिङमा मान्यता पाएको उक्त विद्यालय शुल्क लिए अनुरुप सेवा सुविधा नपाएको भन्दै इन्जिनियरिङ अध्ययनरत विद्यार्थी आक्रोशित बन्दै सिमरा -डुमरवाना जोड्ने सड्क खण्डमा आन्दोलन गरेका छन् ।
करिव दुई घण्टाको समयवधि सम्म चलेको आन्दोलन जितपुर सिमरा उपमहानगरपालिका ४ का वडा अध्यक्ष इश्वर खत्री विद्यालय व्यवस्थापन समितिको लगायतको सहभागीताले विद्यार्थीको समस्याको सुनुवाइ हुने,नियमित पठन पाठन सञ्चालन, प्रयोगात्मक प्रयोगशालाको व्यवस्थापन गर्ने लगायतको दुई पक्षीय मौखिक निर्णय पश्चात् विद्यार्थीहरुको आन्दोलन स्थगित भएको थियो । विद्यार्थीद्वारा गरिएको उक्त आन्दोलनका कारण स्कुल बस , मोटरसाइकल , अटो , इरिक्सा लगाएको सवारी आवतजावतमा कठिनाइ भएको थियोे ।
