डकाहा। जीतपुरसिमरा उपमहानगरपालिका वडा नम्बर १६ मा जारी प्रथम वडा अध्यक्ष गोल्डकप २०८० मा मौवादेवी युवा क्लब बडहर्वाले विजयी शुरुवात गरेको छ । डकाहा पैनिटोल खेल मैदानमा आज भएको खेलमा फ्रेन्स युवा क्लब बकुलियालाई टाईब्रेकरमा पराजित गर्दै बडहर्वाले विजयी शुरुवात गरेको हो ।
निर्धारित ६० मिनेटको खेलमा दुवै टिमले एक एक गोल गरेपछि खेल टाईब्रेकरमा धकेलिएको थियो । टाईब्रेकरमा बडहर्वाले बकुलियालाई ४–२ गोल अन्तरले पराजित गरेको थियो । जितसंगै बडहर्वा प्रतियोगिताको सेमिफाईनलमा प्रवेश गरेको छ ।
प्रतिस्पर्धात्मक बनेको खेलको पहिलो हाफअघि बडहर्वाका अबिनास महत्तोले शुरुवाती गोल गर्दै आफ्नो टिमलाई अग्रता दिलाएका थिए । खेलको दोस्रो हाफपछि भने बकुलियाका सुशिल चौधरीले गोल गर्दै खेललाई बराबरीमा पुर्याए ।
प्रतियोगिता अन्र्तगत बडहर्वाका गोल रक्षक यूनेश चौधरी म्यान अफ द म्याच घोषित भए । उनलाई प्रतियोगिता संयोजक मोहन बहादुर आलेले ट्रफ्री प्रदान गरेका थिए ।
प्रतियोगिता अन्र्तगत भोलि बिरगजं सिटी क्लब विरगजं र ओझेल यूवा क्लब टागियाबस्तीका बिच खेल हुनेछ । दुई टिमबिचको खेल दिउसो ३ बजेपछि शुरु हुने आयोजकले जनाएको छ ।
मित्र युवा क्लबको आयोजनामा जारी प्रतियोगिताको बिजेताले नगद ५० हजार र उप बिजेताले नगद २५ हजार रुपैया प्राप्त गर्नेछन् । वडा नम्बर १६ को कार्यालयको सहयोगमा सञ्चालित प्रतियोगिता कार्तिक ३ गतेसम्म चल्नेछ ।
प्रतियोगितामा १२ वटा टिमले सहभागिता जनाएका छन् ।
